Logo do seu éxito en Pontevedra Sonda Norte volve ás rúas de Ribadeo

publicado en: Actividades, Sonda Norte | 0

Logo da exposición de Mónica Justo ao longo do mes de novembro, Sonda Norte entra con forza no mes de decembro.

O sábado día 1 Víctor Villar, Silvia Murias e Héctor Peña presentaron con forza a Sonda Norte no Culturgal de Pontevedra. Foi a través do famoso RÚACITAL, nun ambiente extraordinario e cun numeroso público. Do mesmo xeito, fixemos labores de comunicación con múltiples axentes da cultura galega repartindo un tríptico sobre a plataforma que deseñou Roberto Martínez para a ocasión, achegamos copia.

Esta semana, no marco do Mercado do Nadal de Ribadeo, Sonda Norte volve a ocupar a axenda. Onte, Andrea Lombardía decorou varios escaparates da vila con motivos navideños. Hoxe pola tarde, Michimichiña, que estará nun dos postos do mercado, impartirá un obradoiro de complementos para a infancia arredor das seis da tarde na carpa situada en San Francisco. Mañá ás 19,30 horas, pase do RúaCital polas rúas do mercado a cargo de Víctor, Silvia e Héctor, e o sábado, presentación do caderno femininio Ranchado inercias, ás 18,30 horas. Todo dentro do Espazo creativo local Sonda Norte.

 

 

Compárteo!